هكسر المرايا !!

مفيش وطن .. مفيش حضن .. مفيش امان
تايهه فيكى يا دنيا ومن غير عنوان

مركب فى بحر كبير
وانا فيها الراكب الوحيد
البحر مالوش نهاية
والزاد بيخلص
والشمعة بتنطفى

مش مصدقانى يا دنيا
طب تعالى بصى معايا فى المراية
هتلاقى حد تانى
حد تعرفيه .. وياما خبطتى فيه
مش هيا دى انا
عارفة انا هعمل ايه؟؟؟
هكسر المرايا

كان نفسى افضل زى منا
بس ملامحى بدأت تتغير
وحاجات كتير جوايا بتحير
وانا فى وسط كل دول
لوحدى